De Bruyne ilə bağlı pis xəbər

"Mançester Siti" İngiltərə Kubokunun 1/4 final mərhələsində "Nyukasl"la keçiriləcək matçda ciddi itki ilə çıxacaq.

90deqiqe.Az xəbər verir ki, ispan çalışdırıcı "şəhərlilər"nin yarımmüdafiəçisi Kevin De Bruynenin zədə səbəbindən sözügedən matçda iştirak edə bilməyəcəyini bildirib.

"De Bruyne "Nyukasl"la oyuna hazır olmayacaq, amma özünü yaxşı hiss edir. Mən şadam ki, o, mövsümün sonuna qədər sağalacaq”

Xatırladaq ki, “Mançester Siti” – “Nyukasl” matçı “Etihad” stadionunda (Mançester şəhəri) keçiriləcək. Hakimin start fiti Moskva vaxtı ilə saat 20:30-da səslənəcək.

Bundan əvvəl De Bruyne Belçikanın İrlandiya və İngiltərə ilə bu ay baş tutacaq yoldaşlıq oyunlarına çağırılmamışdı.