"Çelsi" və "Mançester Siti" Premyer Liqadan kənarlaşdırıla bilər

"Çelsi" və "Mançester Siti" maliyyə feyr-pleyini pozmaqda təqsirli bilinsələr, Premyer Liqadan qovulacaqlar.

90deqiqe.Az "The Sun"a istinadən xəbər verir ki, müstəqil komissiya 2024-cü ilin payızında "Çelsi"nin işini araşdırmağa başlayacaq. Hələlik kluba qarşı ittiham irəli sürülməyib, lakin ötən yay Roman Abramoviçin rəhbərliyi altında törədilən maliyyə pozuntuları aşkarlanıb, bu zaman agentlərə ödənişlər klub tərəfindən uçota alınmayan hesablardan edilib.

“Mançester Siti”yə gəlincə, hələ 2023-cü ilin fevralında klub maliyyə feyr-pley qaydalarını pozmaqda 115 ittiham irəli sürülüb.

Qanun pozuntularının miqyasını nəzərə alaraq, klublar Premyer Liqadan kənarlaşdırılma kimi sanksiyaya (günahı sübut olunarsa) məruz qala bilər.

Xatırladaq ki, daha əvvəl Premyer Liqanın maliyyə qaydalarını pozduğuna görə “Nottingem Forest”dən 4 xalı çıxacağı barədə məlumat yayılmışdı.