"Premyer Liqa təcrübəsi məni daha da gücləndirdi" - Jorginyo

"Arsenal"ın və İtaliya millisinin yarımmüdafiəçisi Jorginyo İngiltərədə keçirdiyi illər ərzində necə dəyişdiyindən danışıb.

90deqiqe.Az xəbər verir ki, 32 yaşlı futbolçu Premyer Liqada oynamağın ona təcrübə qazandırdığını bildirib.

 “İngiltərə Premyer Liqasında oynamaq təcrübəsi məni xüsusilə aqressivlik baxımından daha güclü etdi. Bəlkə də əvvəllər çatışmayan keyfiyyətlər bunlardır. Təkmilləşdirmə üçün həmişə yer var – mən hər gün daha yaxşı olmaq istəyirəm”

İtalyan yarımmüdafiəçi 2018-ci ildə “Napoli”dən “Çelsi”yə, 2023-cü ilin yanvarında isə “Arsenal”a keçib. Jorginyo bu mövsüm bütün yarışlarda "Arsenal"ın heyətində 28 oyunda bir qol və bir məhsuldar ötürmə edib.