"Poqbanın "Mançester Yunayted"ə qayıtması səhv idi"

"Yuventus"un keçmiş yarımmüdafiəçisi Klaudio Markizio yarımmüdafiəçi Pol Poqba ilə bağlı maraqlı açıqlama verib.

90deqiqe.Az-ın məlumatına görə, 38 yaşlı futbolu fransalının 2016-cı ildə "qoca sinyora"dan ayrılaraq "Mançester Yunayted"ə keçməməli olduğunu bildirib.

“Onun başına gələnlər mənə çox ağrı verir. Meydanda məni ən çox heyran edən komanda yoldaşlarından biri idi, zədələr onun layiq olduğu karyeranı əldə etməsinə mane olurdu, o, "Qızıl top"u hədəfləyə bilərdi. Düşünürəm ki, “Yunayted”ə qayıtmaq səhv idi, bu, onun inkişafına kömək etmədi”

Xatırladaq ki, Poqba dopinqə görə 4 il müddətinə diskvalifikasiya edilmişdi. 2023-cü ilin oktyabrında fransalı eyni anda iki sınaqdan keçə bilməyib. Turinli yarımmüdafiəçinin nümunəsində çox yüksək testosteron səviyyəsi aşkar edilib. 30 yaşlı futbolçunun vəkilləri onun mümkün diskvalifikasiyasının 4 ildən 2 ilə endirilməsini tələb etsə də, bu, istənilən nəticəni verməyib.