- İngiltərə P.L.
- 18:23 07.09.2024
"Liverpul"un keçmiş futbolçusu Stiv Nikol, müdafiəçi Trent Alexander-Arnoldla bağlı açıqlama verib.
90deqiqe.Az-ın məlumatına görə, 62 yaşlı veteran futbolçu Mersisayd klubunun "Real Madrid" təklif göndərəcəyi təqdirdə 25 yaşlı futbolçunu satmasının daha ağıllı iş olacağını bildirib.
“Kimə kökləndiyiniz məni maraqlandırmır. Trent Alexander-Arnold pis müdafiəçidir. Əgər Madrid təklif edibsə, bilmirəm, 70, 80 və ya 90 milyon avro və sizin də eyni dərəcədə oynaya bilən Konor Bredli varsa, bəli, [satmağın] mənası var”
Trent Alexander-Arnoldun 25 yaşı var və "Liverpul"un yetirməsidir. Bu mövsüm sağ cinah müdafiəçisi bütün turnirlərdə 29 oyun keçirib, 2 qol vurub və 10 məhsuldar ötürmə edib. Futbolçunun klubla hazırkı müqaviləsi 2025-ci ilin yayına kimi nəzərdə tutulub. Nüfuzlu onlayn portal Transfermarkt Trent-in bazar dəyərini 70 milyon avro olaraq qiymətləndirir.