Onu Kazemiroya əvəzləyici görür

“Bavariya”nın yarımmüdafiəçisi Coşua Kimmix karyerasını “Mançester Yunayted”də davam etdirə bilər.

90deqiqe.Az "Sport.es"ə istinadən xəbər verir ki, “qırmızı şeytanlar” 29 yaşlı futbolçunu komandanın yarımmüdafiəçisi Kazemiroya əvəzləyici olaraq görür.

Mankunianlıların rəhbərliyi 32 yaşlı futbolçunun klubda ən çox maaş alanlardan birinə sahib olduğu, lakin istədiyi oyun səviyyəsini göstərmədiyi üçün onun klubdan göndərilməsini planlaşdırır. Kimmix uğrunda mübarizədə “Mançester Yunayted”in əsas rəqiblərinin “Liverpul” və “Tottenhem” olacağı vurğulanır.

Xatırladaq ki, bu mövsüm Kimmix bütün turnirlərdə 31 matçda iştirak edib və bu matçlarda 1 qol vurub və 8 məhsuldar ötürmə edib. Futbolçunun klubla hazırkı əmək müqaviləsi 2025-ci ilin yayına kimi nəzərdə tutulub. Transfermarkt portalında verilən məlumata görə, futbolçunun bazar dəyəri 60 milyon avrodur.