"Liverpul"un baş məşqçi postuna 2 əsas namizəd

"Liverpul" cari mövsümün sonunda komandadan ayrılacaq Yurgen Kloppun yerinə yeni baş məşqçi axtarır.

90deqiqe.Az xəbər verir ki, İngiltərə klubunun baş məşqçi postuna namizədlərdən biri də "Sportinq"dən Ruben Amorimdir. Bu mövsümün sonunda məşqçinin müqaviləsində 15 milyon avroluq sərbəst qalma maddəsi aktivləşdiriləcək, 2025-ci ilin yayında bu məbləğ 10 milyona düşəcək.

Mersisaydlılar üçün digər variant isə “Brayton”dan Roberto De Zerbidir. Bu halda söhbət təxminən 14 milyon avrodan gedir.

Bundan başqa, Premyer Liqa təmsilçisi də Avro-2024-dən sonra Almaniya millisinin baş məşqçisi Yulian Naqelsmanı dəvət etmək barədə düşünür, lakin bu variant çətin ki.

İddialara görə, “qırmızılar” Xabi Alonsonu da dəvət etsə də, sükançı “Bayer”də qalmağa qərar verib.