"Liverpul" Kloppun yerinə başqa alman məşqçi təyin edə bilər

"Liverpul" yayda klubu tərk edəcək Yurgen Kloppun yerinə yeni baş məşqçi axtarışlarını davam etdirir.

90deqiqe.Az  "The Athletic"ə istinadən xəbər verir ki, mersisaydlılar "Bavariya"nın da maraqlandığı Almaniya millisinin baş məşqçisi Julian Naqelsmannı təyin edə bilər.

Bundestemin baş məşqçisi və Roberto de Zerbi indi vakant vəzifəyə namizədlər siyahısındadır. Əvvəllər də "Liverpul"un "Sportinq"dən Ruben Amorimə maraq göstərməsi ilə bağlı iddialar var.

Xatırladaq ki, “Bayer Leverkuzen”in baş məşqçisi Xabi Alonso daha əvvəl “Liverpul” və “Bavariya”ya keçməkdən imtina edərək, daha bir mövsüm “əczaçılar”ın başında qalmağa qərar vermişdi.