Klopp onu təriflədi

"Liverpul"un baş məşqçisi Yurgen Klopp argentinalı yarımmüdafiəçi Aleksis Mak Allisterin İngiltərə Premyer Liqasının 29-cu turunun "Brayton"la matçda (2:1) çıxışından danışıb.

90deqiqe.Az  xəbər verir ki, alman çalışdırıcı oyunçunun çıxışının inanılmaz olduğunu bildirib.

“Bəli, Aleksis inanılmaz idi, amma bu cür istedada və xarakterə sahib olanda bunu etməlisən. Aleksis buna qadirdir. Mən oyunçularımın ən böyük pərəstişkarıyam, amma onların yaxşı çıxışları məni artıq təəccübləndirmir. Əgər bir şey onlara kömək etməsə, onlara necə kömək edəcəyimi düşünürəm. Ancaq onlar yaxşı oynayanda mən onlar üçün sevinirəm"

Aleksis Mak Allister 2023-cü ilin yayından “Liverpul”da çıxış edir. Argentinalı yarımmüdafiəçi əvvəllər "Brayton"da çıxış edib. Bu mövsüm 25 yaşlı futbolçu bütün turnirlərdə 35 oyun keçirib, 5 qol vurub və 7 məhsuldar ötürmə edib. Nüfuzlu Transfermarkt internet portalı Aleksisin bazar dəyərini 70 milyon avro qiymətləndirir.