"Mənim üçün 50 milyon avro ödədilər, amma..."

"Eştoril"in müdafiəçisi Elyakim Manqala 2014-cü ildə "Mançester Siti"yə keçdiyi haqda danışıb.

90deqiqe.Az xəbər verir ki, 33 yaşlı futbolçu keçid qiyməti öyrənəndə şoka düşdüyünü bildirib.

"Transferimin 50 milyon avroya başa gəldiyini deyəndə şoka düşdüm. Bu çox puldur. Heç bir adam 50 milyon avro dəyərində deyil. Bir sənayenin, biznesin bir hissəsi olanda istər-istəməz adi həyatdan kənar bir məntiqə girirsən, amma heç kim bu və ya digər qiymətə dəyməz. Ancaq bunu keçmək inanılmaz bir təcrübədir. Mənim bundan xoşum gəlir."

Xatırladaq ki, Manqala 2014-2019-cu illərdə "Mançester Siti"də çıxış edib. Fransalı müdafiəçi ötən yay "Eştoril"in sıralarına qoşulub. Elyakim portuqaliya klubu ilə bir illik əmək müqaviləsi imzalayıb.