"Biz sona qədər mübarizə aparacağıq" - Qvardiola

"Mançester Siti"nin baş məşqçisi Pep Qvardiola 2023/2024 mövsümü üçün İngiltərə Premyer Liqasında çempionluq titulu uğrunda mübarizədən danışıb.

90deqiqe.Az-ın məlumatına görə, ispan çalışdırıcı sona qədər mübarizə aparacaqlarını bildirib.

“Uşaqlarım təzyiq altında oynamağı xoşlayır. Ona görə də mən əminəm ki, biz sona qədər mübarizə aparacağıq. Bu o deməkdirmi ki, biz mütləq çempion olacağıq? Yox yox. Mən bunu demirəm. Amma biz mübarizə aparacağıq, bu, mütləqdir”

İngiltərə Premyer Liqasının 33-cü turunun oyunlarından sonra "Mançester Siti" turnir cədvəlində birinci pilləyə yüksəlib. Qvardiolanın komandasının 73 xalı var. “Arsenal” ikinci yeri tutur, “Liverpul” isə ilk üçlüyü qapayır. Hər iki komanda şəhər təmsilçisindən iki xal geri qalır. Daxili çempionatın növbəti oyununda “Mançester Siti” səfərdə “Brayton”la qarşılaşacaq.