Kovaç "Liverpul"u çalışdıracaq?

Hazırda klubsuz olan baş məşqçi Niko Kovaç "Liverpul"la rəhbərlik edə biləcəyi ilə bağlı yayılan xəbərlərə münasibət bildirib.

90deqiqe.Az-ın məlumatına görə, 52 yaşlı mütəxəssis bu xəbərin doğru olmadığını qeyd edib.

"Son günlər “Liverpul”la heç bir əlaqəm olmayıb. Bu barədə mətbuatda gedən məlumatların hamısı həqiqətə uyğun deyil."

Xatırladaq ki, Yurgen Klopp bu mövsümün sonunda "Liverpul"un baş məşqçi postunu tərk edəcək.

Klopp 2015-ci il oktyabrın 8-də "Liverpul"a rəhbərlik edib. Bu müddət ərzində 56 yaşlı mütəxəssis "qırmızılar"ın heyətində 7 kubok qazanıb. Yurgenin rəhbərliyi altında "Liverpul" Çempionlar Liqası, Premyer Liqa, Liqa Kuboku, İngiltərə Kuboku, UEFA Super Kuboku və Klublararası Dünya Çempionatının qalibi olub.

Əlavə edək ki, xorvat çalışdırıcının son iş yeri  "Volfsburq" olub.