Venger İngiltrə Premyer Liqası çempionluğu haqda danışdı

“Arsenal”ın sabiq baş məşqçisi Arsen Venger London klubunun İngiltərə çempionatındakı çıxışı haqda fikirlərini bölüşüb.

90deqiqe.Az-ın məlumatına görə, fransız mütəxəssis "topçular"ın “Mançester Siti”yə qalib gəlsələrdi çempionluğa bir addım daha öndə olacağını bildirib.

“Mən hiss edirəm ki, daha çox səy göstərsələr, “Mançester Siti”yə qalib gələ bilərdilər. Mövsüm bitdikdən sonra başa düşürsən ki, güclü rəqibə qarşı oynayanda və onu bitirə bilsən, bunu etməyə dəyər”.

Xatırladaq ki, martda Mikel Artetanın komandası Premyer Liqa matçında “Mançester Siti”yə (0:0) qalib gələ bilməyib. Bundan başqa, “topçular” son turda evdə “Aston Villa”ya uduzaraq (0:2) ölkə çempionatında liderliyini itirib. "Arsenal" hazırda lider "Mançester Siti"dən 2 xal geri qalaraq ikinci yerdədir.