"Ançelotti "Real"dan ayrılmaq qərarımı biləndə ağladı"

"Mançester Yunayted"in yarımmüdafiəçisi Kazemiro 2022-ci ildə "Real"dan ayrılacağı haqda danışıb.

90deqiqe.Az xəbər verir ki, 32 yaşlı futbolçu Madrid klubunda hər şeyi qazandığı üçün belə bir addımı atmağa qərar verdiyin bildirib.

"Hər şeyi qazandım. Davam etmək fikrində deyildim, amma yeni bir şey istədim. Məni belə asanlıqla buraxmadılar, amma mən yeni dil öyrənmək, başqa liqada oynamaq istəyirdim. “Yunayted” ilk gündən çox yaxşı idi.

Çempionlar Liqasını qazandıqdan sonra ayrılmaq qərarına gəldim. Artıq gördüm ki, Madriddəki vaxtım başa çatıb. Getmək üçün yaxşı yaşda idim, böyüməyə davam etmək istəyirdim. Qərar vermək heç də asan olmadı, insanlar məni sevirdilər.

Cümə günü idi və hər şey hazır idi. Məşq etməliydim, amma etmədim, çatışmayan tək şey imzam idi.

Ançelotti ilə danışmağa getdim və o, artıq getdiyimi bilirdi. Onun kabinetinə girdim, dönüb ağladı. Carlo mənə getməyimi istəmədiyini, məni çox sevdiyini söylədi."