Tiaqo Silva keçmiş klubuna qayıda bilər

Yayda müqaviləsi başa çatacaq "Çelsi"nin mərkəz müdafiəçisi Tiaqo Silvanın karyerasını harada davam etdirə biləcəyi klublardan biri məlum olub.

90deqiqe.Az xəbər verir ki, braziliyalı gəncliyində oynadığı “Fluminense”yə qayıda bilər. Klub Silvanı azad agent kimi dəvət etmək istəyir və artıq müqavilə üzərində işləyir. 39 yaşlı futbolçunun özü də əvvəllər gələcəklə bağlı qərarını tezliklə açıqlayacağını bildirmişdi.

Silva artıq "Çelsi"də dördüncü mövsümünü keçirir. Mavi formada ilk kampaniyasında braziliyalı karyerasında ilk dəfə Çempionlar Liqasını qazana bildi.