“Salah açıq-aydın səviyyəsində deyildi"

“Mançester Yunayted”in sabiq futbolçusu Qari Nevill “Liverpul”un hücumçusu Məhəmməd Salahın “Everton”la son derbidəki (0:2) çıxışından danışıb.

90deqiqe.Az xəbər verir ki, o, misirli forvardın sözügedən oyunda səviyyəsini göstərə bilmədiyini bildirib.

“Salah açıq-aydın onun səviyyəsində deyildi. Məhəmməd ilk hissədə topa çətinliklə toxundu. Görünürdü ki, o, oyunda deyildi. Salah sadəcə kərpic divara dəydi. Bəzən elə vaxtlar olur ki, fasilə vermək lazım gəlir”, – Sky Sports eksperti bildirir.

İngiltərə Premyer Liqasının bu mövsümündə 31 yaşlı forvard 29 matçda iştirak edib, 17 qol vurub və 9 məhsuldar ötürmə edib. "Liverpul" 35 turdan sonra üçüncü yerdədir.