Salah "Liverpul"la danışıqlara başlayır

"Liverpul"un ulduz hücumçusu Məhəmməd Salahın gələcəyi qeyri-müəyyən olaraq qalır.

90deqiqe.Az-ın "The Telegraph"a istinadən məlumatına görə, 2023/2024 mövsümünün sonunda tərəflər klubda misirlinin həm qısa, həm də uzunmüddətli gələcəyini müzakirə etmək üçün danışıqlar aparacaq. Əvvəllər Salahın başqa kluba gedə biləcəyi ilə bağlı mətbuatda dəfələrlə məlumat yer alıb.

31 yaşlı misirlinin hazırkı əmək müqaviləsi 2025-ci ilin ortalarına qədərdir. 2023/2024 mövsümündə Məhəmməd Salah 41 rəsmi oyun keçirib. Onlarda forvard partnyorlarına 24 qol vurub, 13 məhsuldar ötürmə edib.