“Saka inanılmaz oyunçudur" - Havertz

"Arsenal"ın hücumçusu Kay Havertz komanda yoldaşı Bukayo Sakanın səviyyəsini dəyərləndirib.

90deqiqe.Az  xəbər verir ki, 24 yaşlı alman futbolçu ingilis futbolçunun inanılmaz oyunçu olduğunu bildirib.

“Saka inanılmazdır və bunu hər həftə göstərir. 21 və ya 22 yaşında belə çıxış edən futbolçu görməmişəm. İngiltərə çox şanslıdır. O, hər gün acdır və hətta məşqdə də xüsusi səviyyə nümayiş etdirir”, - Havertz "TNT Sports"a bildirib.

Xatırladaq ki, “Arsenal” öz meydanında “Bornmut”u 3:0 hesabı ilə məğlub edib. Mikel Artetanın yetirmələri iki az oyun keçirsələr də, Premyer Liqa turnir cədvəlində “Mançester Siti”ni dörd xal qabaqlayırlar.