Onu “Brentford”dan birdəfəlik alacaq - "Arsenal"

"Arsenal" "Brentford"dan qapıçı David Rayanın hüquqlarını alacaq.

90deqiqe.Az xəbər verir ki, “topçular”ın 28 yaşlı qolkiper ilə bağlı planları heç bir şəkildə dəyişməyib. Londonlular Raya üçün qarşı tərəfə 27 milyon funt-sterlinq (təxminən 31,5 milyon avro) ödəyəcək.

“Arsenal” artıq David Rayanın yay transferi ilə bağlı razılığa gəlib.

İspan futbolçu hazırda London klubunda icarə əsasında çıxış edir.

David Raya cari İngiltərə çempionatında 30 matçın yarısında qol buraxmayıb. Digər 15 oyunda ispaniyalı 23 dəfə qol buraxıb. Xatırladaq ki, şənbə günü “Arsenal” öz meydanında “Bornmut”u 3:0 hesabı ilə məğlub edib.