Haalanddan poker, "Mançester Siti"dən darmadağın

Bu gün İngiltərə Premyer Liqasının 36-cı turunun "Mançester Siti" və "Vulverhempton" komandalarının qarşılaşması baş tutub.

90deqiqe.Az xəbər verir ki, görüşdə meydan sahibləri 5:1 hesablı inamlı qələbə qazanıb.

İlk hissə 3:0 hesabı ilə "Mançester Siti"nin xeyrinə başa çatıb. Oyunun ilk hissəsində vurulan hər üç qolu norveçli hücumçu Erlinq Haaland vurub.

Qeyd edək ki, onlardan ikisi 11 metrlik nişandan vurulub. 53-cü dəqiqədə cənubi koreyalı hücumçu Hvanq Hee-çan "Vulverhempton"la fərqi iki topa endirdi. Bununla belə, bir dəqiqə ərzində Haaland dördüncü qolunu vurub. 85-ci dəqiqədə Julian Alvares hesabı 5:1-ə çatdırıb.

Bu qələbədən sonra "Mançester Siti" 82 xal toplayıb. Pep Qvardiolanın yetirmələri “Arsenal”dan bir xal geri qalaraq, turnir cədvəlində ikinci yerdədir. Qeyd edək ki, “şəhərlilər” bir oyun az keçirib. “Vulverhempton” 46 xalla 11-cidir.