Madueke: “Avropa yarışlarına çıxmaq üçün hər şeyi edəcəyik”

İngiltərə çempionatının 36-cı turunda "Vest Hem" üzərində qələbədən sonra "Çelsi"nin cinah futbolçusu Noni Madueke avrokuboklara vəsiqə uğrunda mübarizədən danışıb.

90deqiqe.Az-ın məlumatına görə, 22 yaşlı futbolçu avrokuboklara düşmək istədiklərini bildirib.

"Turnir cədvəlində mümkün qədər yüksək yerləri tutmaq üçün əlimizdən gələni edəcəyik, avrokuboklara düşmək istəyirik. Nəyə qadir olduğumuzu bilirik. Dünyanın ən böyük klublarından birində oynayanda mütləq avrokuboklarda olmalısan. Bu mövsüm məyusedicidir, lakin gələn mövsüm Avropa Liqasında oynamaq imkanı əldə etməliyik”, - Madueke matçdan sonra deyib.

Xatırladaq ki, görüş mayın 5-də “Stemford Bric” stadionunda baş tutub və Maurisio Poçettino komandasının 5:0 hesablı qələbəsi ilə yekunlaşıb.