Erik ten Haq rəhbərlikdən bunu istədi

"Mançester Yunayted"in baş məşqçisi Erik ten Haq klub rəhbərliyindən komandanı gücləndirməyi xahiş edib.

90deqiqe.Az xəbər verir ki, niderlandlı çalışdırıcı komandanın yenidən qurulmağa ehtiyac olduğunu bildirib.

"Heyəti gücləndirmək komanda qurmağın mərhələlərindən biridir ki, bizə daha uğurlu çıxışlar lazımdır və bunun üçün daha dərin heyət lazımdır.

Əsas odur ki, futbolçular [zədələrdən sonra] qayıtsınlar. Bir çox mövqeləri gücləndirə bilsək, [heyətdə] dərinliyə sahib olacağıq.

İndi bəzi vəzifələrdə seçimimiz yoxdur. Sol cinah müdafiəçisi Şou bu mövsüm cəmi 15 oyuna çıxıb, Malaziya isə ümumiyyətlə, zədəlidir."