"Nottingem Forest"in xalları qaytarılmadı

"Nottingem Forest" bu yaxınlarda maliyyə qaydalarını pozduğuna görə Premyer Liqa turnir cədvəlindən 4 xaldan məhrum edilib.

90deqiqe.Az xəbər verir ki, klub apellyasiya şikayəti versə də, lakin nəticəsiz qalıb - xallar "meşəçilər"ə qaytarılmayıb.

Hazırda "Nottingem Forest" İngiltərə çempionatının turnir cədvəlində 17-ci yeri tutur, yəni aşağı liqa zonasının düz qarşısındadır. “Meşəçilər” Luton Taundan üç, “Bernli”ni isə beş xal qabaqlayır. Qarşıda daha iki tur var. Nottingham Forest növbəti Premyer Liqa matçını mayın 11-də şənbə günü evdə "Çelsi"yə qarşı keçirəcək.