Vardi "Lester Siti"ni bu kluba dəyişir

"Lester"in hücumçusu Ceymi Vardi yay transfer pəncərəsində klubunun qeydiyyatını dəyişə bilər.

90deqiqe.Az xəbər verir ki, “tülkülər” hələ 37 yaşlı ingilisə yeni müqavilə təklif etməyib və futbolçunun klubla hazırkı müqaviləsi bu ilin iyun ayının sonunda başa çatır.

Qeyd olunur ki, Reksem klubu Vardinin xidmətində maraqlıdır və artıq hücumçu ilə danışıqlara başlayıb.

Xatırladaq ki, “Lester” gələn mövsüm İngiltərə çempionatında çıxış edəcək. Bu mövsüm Vardi Çempionşipdə "tülkülər"in heyətində 35 oyun keçirib, 18 qol vurub və iki məhsuldar ötürmə edib. Futbolçunun transfer dəyəri bir milyon avro qiymətləndirilir.