"Liverpul" İngiltərə çempionu olmaq şansını itirib

"Liverpul" bu mövsüm İngiltərə çempionu olmayacaq.

90deqiqe.Az xəbər verir ki, Yurgen Kloppun komandası bu gün "Mançester Siti" "Fulhem"lə qarşılaşdıqdan sonra ("şəhərlilər" 4-0 qalib gəldi) Premyer Liqa çempionluğu üçün riyazi şanslarını belə itirib.

“Mançester Siti” hazırda 85 xalla Premyer Liqanın turnir cədvəlində başçılıq edir.

“Liverpul” 78 xalla üçüncüdür. Komandaların iki oyunu qalıb, yəni mersisaydlılar 84 xaldan çox toplaya bilməyəcəklər. Beləliklə, Klopp klubu tərk etməmişdən əvvəl titul qazana bilməyəcək. Əlavə edək ki, “Arsenal” İngiltərə çempionatının cədvəlində 83 xalla ikinci pillədə qərarlaşıb.