Qlasnerin "Kristal Pelas"dakı gələcəyi məlum oldu

"Kristal Pelas"ın baş məşqçisi Oliver Qlasner vəzifəsində qalacaq.

90deqiqe.Az xəbər verir ki, bu barədə insayder Fabrizio Romano "X" sosial şəbəkəsində (keçmiş Twitter) yazıb.

O  “qartallar”ın rəhbərliyinin 49 yaşlı mütəxəssisi tamamilə toxunulmaz hesab etdiyini qeyd edib. Qlasnerin özünün də hər şeydən razı olduğu və artıq yay transfer pəncərəsini planlaşdırdığı qeyd edilir.

Xatırladaq ki, avstriyalı mütəxəssis 2024-cü ilin fevralında “Kristal Pelas”a rəhbərlik edib. Qlasnerin klubla əmək müqaviləsi 2026-cı ilin yayına kimi nəzərdə tutulub. 37 turdan sonra "Kristal Pelas" İngiltərə Premyer Liqasının turnir cədvəlində 46 xalla 12-ci yerdədir. Premyer Liqanın son turunda Qlasnerin komandası "Aston Villa"nı qəbul edəcək (19 may).