İki ulduz futbolçu "Mançester Yunayted"i tərk edə bilər

"Mançester Yunayted"in yarımmüdafiəçiləri Bruno Fernandes və Kazemiro mövsümün sonunda İngiltərə komandasını tərk edə bilər.

90deqiqe.Az-ın “The Telegraph”a istinadən məlumatına görə, oyunçuların Səudiyyə Ərəbistanı çempionatında iş seçimləri var. Səudiyyə klubları artıq braziliyalı yarımmüdafiəçinin agentləri ilə danışıqlara başlayıb. Onlar həmçinin Fernandesin transferini onun nümayəndələri ilə müzakirə etməyi planlaşdırırlar.

"Mançester Yunayted" daha bir uğursuz mövsüm keçirdi.

İngiltərə Premyer Liqasının başa çatmasına iki tur qalmış Erik ten Haqın komandası turnir cədvəlində cəmi səkkizinci yerdədir.