Runi "Mançester Yunayted"i top atəşinə tutudu: “komanda kütləvi şəkildə təmizlənməlidir”

"Mançester Yunayted"in sabiq hücumçusu Ueyn Runi “qırmızı şeytanlar"ın heyətini tənqid edib.

Bu barədə 90deqiqe.Az “Daily Mail”ə istinadən xəbər verir.

“Onlar komandanı Bruno Fernandeş ətrafında qurmalıdırlar. Keyfiyyətlidir, döyüşkən xarakteri var. Və qalanlardan qurtulun. Düşünürəm ki, Bruno ilə birlikdə hələ də gənc oyunçuları saxlamalıyıq. Bu, komanda kütləvi şəkildə təmizlənməlidir. Onan, Maguayr və Dalotu saxlayardım? Dalot yaxşı işləyir, Maguayr yaxşı mövsüm keçirdi. Amma bu liqada mübarizə aparmaq üçün onlara daha yaxşı oyunçular lazımdır. Məni səhv başa düşməyin, bunlar yaxşı oyunçulardır. Amma “Mançester Siti”, “Liverpul” və “Arsenal”la rəqabət aparmaq üçün onlara daha yaxşı oyunçular lazımdır”, – Runinin sözlərini “Daily Mail” sitat gətirib.

37 turdan sonra "Mançester Yunayted" 57 xalla Premyer Liqada səkkizinci pillədə qərarlaşıb. Çempionata 88 xalla “Mançester Siti” başçılıq edir.