"Çelsi" Mudriki itirdi

"Çelsi"nin vingeri Mixail Mudrik Premyer Liqada "Brayton"la oyunda başından zədə alıb.

90deqiqe.Az xəbər verir ki, 23 yaşlı futbolçu mövsümün qalan oyunlarında komandasına kömək edə bilməyəcəyini bildirib.

 “Təəssüf ki, mənim üçün mövsüm başa çatdı. Mesajlar üçün hər kəsə təşəkkür edirəm, indi özümü daha yaxşı hiss edirəm. Növbəti mövsüm görüşənədək, Blues. Bu, oyunun bir hissəsidir, elə deyilmi? – Mudrik sosial şəbəkələrdə yazıb.

Ukraynalı son turda "Bornmut"la matçda "pensiyaçılar"a kömək edə bilməyəcək.

2023/2024 mövsümündə Mixail Mudrik 41 rəsmi oyun keçirib, 7 qol vurub və iki məhsuldar ötürmə edib. Premyer Liqanın final mərhələsinə yüksələn "Çelsi" turnir cədvəlinin altıncı pilləsində qərarlaşıb.