Qalib gəlmək üçün çox çalışdıq, lakin... - Arteta

"Arsenal"ın baş məşqçisi Mikel Arteta başa çatan Premyer Liqada çempionluq mübarizəsindən danışıb.

90deqiqe.Az-ın məlumatına görə, ispan çalışdırıcı çempion olmaq üçün çox səy göstərdiklərini bildirib.

“Mançester Siti”ni təbrik etmək istəyirəm. Dekabr ayından etibarən “şəhərlilər” heyrətamiz nəticələr göstərdilər. Qalib gəlmək üçün çox çalışdıq, lakin səylərimiz yetərli olmadı”

38 turun nəticələrinə görə, "Mançester Siti" 91 xal toplayaraq İngiltərə çempionatının turnir cədvəlində birinci yerdə qərarlaşıb. “Arsenal” mövsümü liderlərdən 2 xal geri qalaraq ikinci pillədə başa vurub. İlk üçlüyü “Liverpul” qapayıb (82). Qeyd edək ki, "Mançester Siti" Pep Qvardiola ilə birlikdə ardıcıl 4-cü dəfə çempion olub.