"Liverpul" Slotun təyinatını açıqladı

"Liverpul" hollandiyalı mütəxəssis Arne Slot baş məşqçi təyin olunduğunu açıqlayıb.

90deqiqe.Az-ın məlumatına görə, 45 yaşlı mütəxəssis iyunun 1-dən vəzifəsinin icrasına başlayacaq.

Slot iyulda mövsümöncəsi məşqlərə başlayacaq. Mersisayd klubu Slotun müqaviləsinin müddətini açıqlamayıb.

Təcrübəli çalışdırıcı "Feyenoord"da üç mövsüm keçirdikdən sonra "Liverpul"a keçib. Arne Slot "Liverpul"un baş məşqçisi postunda Yurgen Kloppu əvəz edəcək.

Təqvim ilinin əvvəlində alman 2015-ci ilin oktyabrından çalışdığı klubu tərk etmək qərarını açıqlayıb. Klopp məşqçilik karyerasına fasilə vermək qərarına gəlib.