Poçettino "Çelsi"dən gedir?

Poçettino "Çelsi"dən ayrıla bilər, klub argentinalının yerinə gənc mütəxəssis dəvət etmək istəyir.

"Çelsi"nin baş məşqçisi Maurisio Poçettino yaxın vaxtlarda komandanı tərk edə bilər. 

90deqiqe.Az xəbər verir ki bu barədə insayder Fabrizio Romano “X” hesabında məlumat verib.

“Mütəxəssis özü də qalmaq istəyir, lakin tərəflər komandanın gələcək inkişafı ilə bağlı fikir ayrılığına düşərsə, yollarını ayıra bilər. Mənbənin sözlərinə görə, Poçettino “Çelsi”ni tərk edərsə, klub Maurisionun yerinə rəhbərliyə tabe olacaq və heç bir tələb irəli sürməyəcək gənc mütəxəssis dəvət etmək istəyir. Kluba transfer nəzarətinin olmaması ilə razılaşmaq istəyən mütəxəssis lazımdır”, - deyə insayder bildirib. 

Xatırladaq ki, “Çelsi” Poçettinonun rəhbərliyi altında Premyer Liqanı 6-cı pillədə başa vurub.