Postekoqlou Vernerin gələcəyindən danışdı

"Tottenhem"in baş məşqçisi Ange Postekoqlou Timo Vernerin gələcəkdə komandada qalması ilə bağlı digər sualı cavablandırıb.

90deqiqe.Az-ın məlumatına görə, avstraliyalı məşqçi yekun qərarın hələ də verilmədiyini bildirib.

“Bizim yekun qərar vermək üçün son tarix var, lakin çox şey klublar arasında danışıqların necə getməsindən və Timonun özünün necə hiss etməsindən asılı olacaq. Şəxsən mən bu vəziyyətdən razıyam”

London klubu alman forvardı "RB Leypsiq"dən icarə müqaviləsində razılaşdırılmış müəyyən məbləğə ala bilər.

Timo Verner londonluların heyətində 14 matçda 2 qol vurub və 3 məhsuldar ötürmə edib. 28 yaşlı hücumçu zədə səbəbindən kampaniyanın sonunu buraxıb.