Gənc argentinalı "Mankunianlar"ın hədəfində

"Mançester Yunayted"in yay transfer pəncərəsində mərkəz müdafiəçisi mövqeyi demək olar ki, əsas rolu oynayır.  Old Trafforddan bir çox futbolçu ayrılacaq və klub onların əvəzinə yeni oyunçular tapmaqla bağlı narahatdır.

90deqiqe.Az "teamTALK"-a istinadən məlumat verir ki, klub, "Boka Xuniors"da oynayan 19 yaşlı Aaron Anselminonu transfer etməyə hazırdır. O, argentinalıların heyətində Mançester təmsilçisinin keçmiş üzvü Markos Roxo ilə birlikdə mərkəz müdafiəçisi tandemini təşkil edir.

Klub futbolçunu almaq üçün 25 milyon avro xərcləməyə hazırdırlar. Bu, 19 yaşlı müdafiəçinin müqaviləsində göstərilən məbləğdir.

Qeyd etmək lazımdır ki, Anselminonun satışı "Boka Xuniors" tarixində ən bahalı transfer ola bilər. Daha əvvəl "Çelsi" klubunun da bu oyunçuya maraq göstərdiyi bildirilirdi.