Braziliyalı futbolçunun adı mərc skandalında hallanır

İngiltərə Futbol Federasiyası Lukas Paqueta haqqında istintaq başladıldığını açıqlayıb.

90deqiqe.Az "Sport Bible"a istinadən xəbər verir ki, son vaxtlar İngiltərə futbolunda meydana gələn mərc skandalları davam edir. Daha əvvəl Ivan Toney və Sandro Tonali mərc oynadıqları üçün cəzalandırılmış və futboldan müvəqqəti olaraq uzaqlaşdırılmışdı.Son olaraq, "Vest Hem" klubunun oyunçusu Lukas Paqueta haqqında da araşdırma başlayıb. 

Paqueta ittihamları rədd etsə də, FA  futbolçunun E5 və F3 qaydalarını pozduğunu elan edərək, "Aston Villa", "Lester Siti", "Lids Yunayted " və "Bornmut"  oyunlarında pozuntular etdiyini bildirib. 

Oyunçu açıqlamasında, "FA-nın məni ittiham etməyə qərar verməsinə son dərəcə təəccübləndim və üzüldüm. Doqquz ay ərzində araşdırmanın hər addımında onlarla əməkdaşlıq etdim və əlimdən gələn bütün məlumatları verdim. İttihamları tamamilə rədd edirəm və adımı təmizləmək üçün hər nəfəsimlə mübarizə aparacağam. Davam edən proseslə əlaqədar daha çox şərh verməyəcəyəm" - deyib.