Premyer Liqada mövsümün ən yaxşı oyunçularından ibarət komanda tərtib edilib

"Nyukasl"ın və İngiltərə yığmasının keçmiş hücumçusu Alan Şirer Premyer Liqanın mövsümünün sonunda ən yaxşı oyunçulardan ibarət komandanı tərtib edib.

90deqiqe.Az bu barədə liqanın rəsmi saytına istinadən xəbər verir.

Siyahıya Cordan Pikford (Everton), Ben Uayt, Uilyam Saliba, Qabriel Maqalhaes, Deklan Rays (hamısı Arsenal), Rodri (Mançester Siti), Koul Palmer (Çelsi), Martin Odeqaard (Arsenal), Filip Foden (Mançester Siti), Olli Uotkins (Aston Villa), Erlinq Holand (Mançester Siti) daxildir.
Şirer “Mançester Siti”nin baş məşqçisi Pep Qvardiolanı mövsümün ən yaxşı məşqçisi seçib.

Xatırladaq ki, “Mançester Siti” 2023/2024 mövsümündə İngiltərə çempionu olub. Vətəndaşlar 91 xal toplayıb. Onlar ardıcıl dördüncü dəfə Premyer Liqa çempionu olublar. “Arsenal” ikinci olub. London komandasının aktivində 89 xal var. "Liverpul" üçüncü pillədə qərarlaşıb. Mersisaydlılar Premyer Liqanın 38 turundan sonra 82 xal qazanıblar.