- İngiltərə P.L.
- 18:23 07.09.2024
"Aston Villa"nın baş məşqçisi Unai Emeri klubu ilə yeni müqavilə imzalayıb.
90deqiqe.Az xəbər verir ki, bu barədə İngiltərə komandasının rəsmi saytı məlumat yayıb.
Bildirilir ki, ispaniyalı mütəxəssislə yeni müqavilə 5 illikdir. Daha əvvəl "aslanlar" Emeri ilə müqavilənin müddətini uzatmaq üçün razılaşdıqlarını açıqlamışdı.
Xatırladaq ki, “Aston Villa”ya qədər Unai Emeri “Vilyarreal”da çalışıb. O, klubu ilə 2021/2022 mövsümündə Avropa Liqasının qalibi olub. Bundan əlavə, ispaniyalı "Sevilya" ilə bu turnirdə 3 dəfə qalib olub. Emeri PSJ-də də çalışıb və 2018/2019 mövsümündə Fransa çempionu olub. İki dəfə Fransa Kubokunu, iki dəfə Fransa Liqa Kubokunu və iki dəfə Fransa Superkubokunu qazandı.
İngiltərə Premyer Liqasının 2023/2024 mövsümünün nəticələrinə görə, Unay Emerinin rəhbərlik etdiyi "Aston Villa" 68 xal toplayaraq dördüncü yeri tutub. Klub 41 ildən sonra ilk dəfə Çempionlar Liqasında çıxış edəcək.