"Aston Villa" "Barselona"dan Lenqleti almayacaq

"Aston Villa"da icarə əsasında müdafiəçi Klement Lenqlet "Barselona"ya qayıdacaq.

90deqiqe.Az xəbər verir ki, Birmingem klubu fransalı futbolçunu almaq fikrində deyil.

“Barselona” 28 yaşlı futbolçunu heyətində görmədiyi üçün onu yenidən icarəyə göndərəcək.

Daha əvvəl Lenqlet ilə İtaliyanın iki klubunun - "Napoli" və "Milan"ın maraqlandığı iddia olunurdu.

Bu mövsüm fransalı futbolçu "Aston Villa"nın heyətində bütün turnirlərdə 25 oyun keçirib və bir məhsuldar ötürmə edib. Futbolçunun Kataloniya klubu ilə müqaviləsi 2026-cı ilin iyun ayının sonuna qədər qüvvədədir. Transfermarkt internet portalına görə futbolçunun təxmini dəyəri 10 milyon avrodur.