Marsyal "Mançester Yunayted"dən ayrıldığını təsdiqləyib

"Mançester Yunayted"in hücumçusu Antoni Marsyal yayda müqaviləsi başa çatdıqdan sonra klubdan ayrılacağını təsdiqləyib.

90deqiqe.Az xəbər verir ki, onun 317 dəfə oynadığı, 90 qol vurduğu və 47 məhsuldar ötürmə verdiyi "Old Trafford"da doqquz illik karyerası başa çatacaq.

O, instagram hesabında klubdakı ən maraqlı məqamlarının videosunu paylaşaraq, fanatlarına emosional mesaj göndərib:

"Hörmətli "Mançester Yunayted" azarkeşləri, bu gün vidalaşmaq üçün sizə böyük emosiya ilə məktub yazıram. Klubda doqquz inanılmaz ildən sonra karyeramda yeni səhifə açmaq vaxtı gəlib" yazaraq, gedəcəyini təsdiqləyib.