“MY"ə keçməzdən əvvəl bu adamı heç kim tanımırdı"

"Mançester Yunayted"in sabiq hücumçusu Duayt York,  hücumçu Rasmus Hoylundun "qırmızı şeytanlar"da debüt mövsümü ilə bağlı fikirlərini bölüşüb.

90deqiqe.Az xəbər verir ki, 52 yaşlı sabiq futbolçu danimarkalı forvardın İngiltərə nəhəngində başlanğıcda problemlər yaşasa da, mövsümü daha yaxşı başa vurduğunu bildirib.

“Mançester Yunayted"ə qoşulmazdan əvvəl bu adamı heç kim tanımırdı. Mən onun haqqında ümumiyyətlə eşitməmişəm. Mövsüm başa çatdıqdan sonra deyə bilərəm ki, o, yaxşı çıxış etdi. Bu onun üçün ciddi sınaqdır. Hoylund ən başlanğıcda problemlər yaşasa da, lakin sonra irəliləməyə başladı. Mən onun performansını 10-dan 5-6 qiymətləndirərdim. Onun böyümə potensialı var”

Ötən mövsüm Premyer Liqada 21 yaşlı danimarkalı 30 oyun keçirib, on qol vurub və iki məhsuldar ötürmə edib.