"Everton" yeni investorlar axtarışında

"Everton"un "777 Partners" ilə müqaviləsi sona çatıb.

90deqiqe.Az xəbər verir ki, "777 Partners"in klubu almaq cəhdi uğursuz olub və klub sahibi Farhad Moşiri başqa potensial alıcılarla danışıqlara başlayıb. 

May ayının sonuna qədər müqaviləni tamamlaya bilməyən "777 Partners"in "Everton"u almaq planı pozulduğu üçün, klub rəhbərliyi normal fəaliyyətə davam edəcəyini və alternativ alıcılar üçün bütün variantları nəzərdən keçirəcək.

Klubun bəyanatında deyilir: “777 Partners" ilə "Blue Heaven Holdings Limited" arasında olan müqavilə bu gün sona çatıb. Klubun idarə heyəti, onların son aylarda verdiyi maliyyə dəstəyinə görə təşəkkür edir. Klub, "Blue Heaven Holdings" ilə birgə, gələcək mülkiyyət üçün bütün variantları nəzərdən keçirəcək.” 

Qeyd edək ki, "Kristal Palas"ın həmsahibi Con Textor da "Everton"u almaqda maraqlıdır.