"Mançester Siti" Premyer Liqanı məhkəməyə verdi

"Mançester Siti" Premyer Liqanın sponsorluq qaydalarının Böyük Britaniyanın rəqabət qanunlarına zidd olduğunu iddia edərək, məhkəməyə müraciət edib.

90deqiqe.Az "The İndependent*ə istinadən xəbər verir ki, klub Premyer Liqa qaydalarının  ədalətsiz və rəqabətə zidd olduğunu bildirib. 

"Mançester Siti", bu qaydaların ərəb ölkələrindən olan sahibkarlara qarşı ayrı-seçkilik olduğunu qeyd etməklə, maddi zərərə görə təzminat tələb edib. Bu məhkəmə prosesi, Premyer Liqanın "Mançester Siti"yə qarşı qoyduğu 115 maliyyə qaydalarının pozulması ittihamlarından ayrı bir işdir.

Qeyd edək ki, dinləmələr bazar ertəsi başlayacaq və xüsusi arbitraj qaydalarına əsasən məxfi aparılacaq. Nəticə Premyer Liqanın idarəetmə strukturuna böyük təsir göstərə bilər.