Qrinvud "Mançester Yunayted"ə qayıtdı

İngiltərəli vinger Meyson Qrinvud “Mançester Yunayted”ə qayıdıb.

90deqiqe.Az xəbər verir ki, bu barədə "qırmızı şeytanlar"ın rəsmi saytı məlumat yayıb.

Mətbuatın yazdığına görə, "Yuventus", "Borussiya Dortmund", "Atletiko Madrid", "Napoli", "Barselona" və bir çox digər top klublar Qrinvudun xidmətlərində maraqlıdır.

Xatırladaq ki, 22 yaşlı futbolçu ötən mövsümü icarə əsasında “Xetafe”də keçirib. İspaniya komandasının tərkibində Qrinvud bütün turnirlərdə 36 matçda iştirak edib, on qol vurub və altı məhsuldar ötürmə edib. Qrinvudun "Mançester Yunayted"lə əmək müqaviləsi 2025-ci ilin ortalarına qədərdir. Transfermarkt portalı futbolçunun dəyərini 15 milyon avro qiymətləndirir.