İsak "Nyukasl"dakı gələcəyi ilə bağlı danışdı

"Nyukasl"ın hücumçusu Aleksandr İsak gələcəyi ilə bağlı açıqlama verib.

90deqiqe.Az-ın məlumatına görə, 24 yaşlı forvard "sağsağanlar"da xoşbəxt olduğunu bildirib.

 “Nyukasl"da oynamaq mənə çox xoşdur. Karyeramın ən yaxşı mövsümünü yaşadım. Bunu qiymətləndirməmək olmaz. Klubla bağlı hər şeyi, şəhəri, azarkeşləri çox bəyənirəm. Transfer və ya buna bənzər bir şey haqqında düşünmürəm. Mən həyatımdan zövq alıram. Maddi vəziyyətimə görə "Nyukasl" məni satmalıdır? Mən bu barədə spekulyasiya etmirəm. Bu barədə nə komandada, nə də klubda danışıq olmayıb. Klubdan belə bir məlumat almamışam”

İsveçli forvardın xidmətində “Arsenal”ın maraqlı olduğu iddia edilir.

2023/2024 mövsümünün 40 matçında 24 yaşlı Aleksandr İsak 25 qol vurub.