Argentinalı futbolçu olimpiadada oynamaq üçün "Aston Villa"dan icazə istəyir

Argentinalı qapıçı Emiliano Martinez "Aston Villa"nın onu Olimpiya futbol turnirinə göndərməsini istəyir.

90deqiqe.Az-ın məlumatına görə, Martinez, milli komanda da çıxış etməyin klubdan daha vacib olduğunu bildirib

“Milli komanda klublardan daha vacibdir. Bizim belə deməyə haqqımız var, çünki ölkə üçün çıxış etmək qürurvericidir. Mən də bir çox oğlanlar kimi Olimpiadada iştirak etmək istəyirəm"

Daha əvvəl mətbuatda 31 yaşlı qolkiperin "Aston Villa"dan icazə almadığı barədə məlumatlar yer almışdı.

Bildiyiniz kimi, olimpiya turniri FİFA turnirlərinin siyahısına daxil edilməyib, ona görə də klublar oyunçuları buraxmaq məcburiyyətində deyillər. Qeyd edək ki, olimpiya futbol turnirində yaşı 23-dən aşağı olan futbolçulardan ibarət komandalar iştirak edir. Üstəlik, hər komanda yaş həddini aşan üç oyunçu daxil edə bilər.