Premyer Liqa klubları VAR sisteminin ləğvi təklifini rədd etdilər

İngiltərə Premyer Liqa klubları VAR sistemindən istifadəni davam etdirmək üçün səs verib.

90deqiqe.Az xəbər verir ki, bu barədə Premyer Liqanın rəsmi saytı məlumat yayıb.

Eyni zamanda, klubların illik toplantısında PGMOL, Premyer Liqa və klublar VAR sisteminin təkmilləşdirilməsi üçün islahatlar aparılmasında razılığa gəliblər.

Xatırladaq ki, "Vulverhempton" klubu VAR-dan imtina etməyi təklif edib.

Onu da əlavə etmək lazımdır ki, payızda İngiltərə Premyer Liqasında ofsaydların aşkarlanması üçün yarı avtomatik sistem olacaq. Bu sistem oyundankənar vəziyyətlərin yoxlanılmasını kəskin surətdə sürətləndirəcək.