- İngiltərə P.L.
- 18:23 07.09.2024
"Çelsi" komandasının rəhbərliyi hücumçusu Romelu Lukakunu yenidən icarəyə vermək fikrində deyil.
90deqiqe.Az xəbər verir ki, bu barədə insayder Fabrizio Romano "X" sosial şəbəkəsində (keçmiş Twitter) məlumat verib.
O, “Napoli” nin 31 yaşlı futbolçunu icarəyə götürmək istədiyini, lakin “Çelsi”nin neapollulara bu variantın mümkün olmadığını açıqladığını qeyd edib.
Belçikalı futbolçunun müqaviləsində təzminat məbləğinin 44,7 milyon avro təşkil etdiyi iddia edilir. Lukaku ötən mövsümü icarə əsasında “Roma”da keçirib. Belçikalı bütün turnirlərdə 47 matçda iştirak edib, 21 qol vurub və 4 məhsuldar ötürmə edib. Hücumçunun "Çelsi" ilə müqaviləsi 2026-cı ilin yayına qədərdir.