- İngiltərə P.L.
- 18:23 07.09.2024
"Arsenal"ın qapıçısı Aaron Ramsdeyl yay transfer pəncərəsində klubunu dəyişə bilər.
90deqiqe.Az xəbər verir ki, bu barədə insayder Alan Nikson "X" sosial şəbəkəsində (keçmiş Twitter) məlumat verib.
O, "topçular"ın futbolçu ilə 50 milyon avroya ayrılmağa hazır olduğunu qeyd edib. Komandanın baş məşqçisi Mikel Arteta ispaniyalı David Rayaya mərc etdiyi üçün Ramsdeylin satışına mane olmayacaq.
Ötən mövsüm Aaron London komandasının heyətində 11 matçda iştirak edib və 12 qol buraxıb. Üç görüşdə qapısını toxunulmaz saxladı. Transfermarkt qapıçının qiymətini 25 milyon avro qiymətləndirir.