Runi: "Hər zaman Ronaldoya çirkin olduğunu deyirdim"

İngiltərə millisinin və "Mançester Yunayted"in sabiq hücumçusu Ueyn Runi keçmiş komanda yoldaşı Kriştiano Ronaldo ilə necə zarafat etdiyini danışıb.

90deqiqe.Az xəbər verir ki, o, bu barədə “BBC Radio 5 Live Football Daily”ə bildirib.

“Bizim yaxşı münasibətimiz var idi, baxmayaraq ki, biz tam ayrı xarakterdə idik. Onun davranışı müəyyən mənada İbrahimoviçə bənzəyirdi. Ronaldo güzgüdə özünə baxaraq yaraşıqlı olduğunu bildirirdi. Amma mən həmişə ona çirkin olduğunu deyirdim”, - deyə o bildirib. 

Ueyn və Kriştiano 2004-2009-cu illərdə "qırmızı şeytanlar"da birgə çıxış ediblər.