"Salah Kriştiano Ronaldonu geridə qoya bilər"

"Liverpul"un sabiq futbolçusu Xose Enrike ulduz hücumçu Məhəmməd Salah haqda danışıb.

90deqiqe.Az bu barədə “Grosvenor Sport”a istinadən xəbər verir.

“Salah artıq üç il əvvəl olduğu oyunçu deyil. O, hələ də qol vuran maşın olsa da, müdafiəçilər üçün işlər asanlaşıb. Mən "Liverpul"un yerində olsaydım, məsələn, 100 milyon funt sterlinqdən çox təklif gəlsəydi, bunu ciddi düşünərdim. Səudiyyə Ərəbistanına transfer bu cür pulları asanlıqla gətirə bilər. "Liverpul" azarkeşlərinin mənimlə razılaşmayacağını bilirəm, çünki onlar Salahı sevirlər, amma bəzən vəziyyəti vaxtında buraxmaq lazımdır. Səudiyyə Ərəbistanında Salah hətta Kriştiano Ronaldonu da geridə qoya bilər. Ötən il Salah üçün artıq təklif var idi. Kluba təklif gələndə adətən şəxsi şərtlər artıq razılaşdırılıb. Salahın transfer ideyasına açıq olduğu aydındır”

Ötən mövsüm Məhəmməd Mersisayd klubunun heyətində 44 matçda iştirak edib. Forvard 25 qol vurub və 13 məhsuldar ötürmə edib.